Նոր պայթում մը Պէյրութի հարաւային արուարձաններուն մէջ` հինգ մեռեալ եւ 34 վիրաւոր:
Պէյրութի Հարաւային արուարձաններուն մէջ, այսօր երեքշաբթի 21 յունուարի առաւօտեան, տեղական
ժամանակով ժամը 11:03-ին, տեղի ունեցած է պայթում մը, Հարեթ Հրէյքի մէջ գտնուող Քուտս
գրախանութին մօտ։ Այս մասին տեղեկացուց Լիբանանի “Ազդակ” օրաթերթի գլխաւոր խմբագիր Շահան
Գանտահարեան: Պայթումին հետեւանքով հրկիզուած են Պարաքա դրամատան մօտ գտնուող Սուպահի
համալիրին կից եղող շէնքին առաջին հինգ յարկերը: Ըստ ”Ժատիտ” լրատուակայանի՝ ականուած
ինքնաշարժը եղած է սպիտակ գոյնով ՔԻԱ մը, որ պայթած է անձնասպանական նպատակով: Ըստ
նախնական տուեալներու‚ պայթումին պատճառով արձանագրուած զոհերուն թիւը հինգ է‚ իսկ վիրաւորներունը
35։ Պայթումը տեղի ունեցած է Հարէթ Հրէյքի մէջ տեղի ունեցած նախկին պայթումի վայրէն շուրջ
15 մեթր հեռաւորութեան վրայ։